Даведаліся, кiм былі першыя камсамольцы вёскі Драчкава

ДРАЧКАВА, Драчкаўскі сельсавет. У мясцовым школьным музеі можна адшукаць шмат цікавага. З экспазіцыі, прысвечанай гісторыі населенага пункта, даведаліся, што пярвічная камсамольская арганізацыя ў Драчкава была створана ў 1928 годзе.

Кіраўнік музея Галіна Цімафееўна Раманюк паведаміла, што першымі членамі пярвічкі былі Павел Зелянкевіч, Іван Маліноўскі, Станіслаў Запруцкі, Вольга Маліноўская, Сяргей Прыстром, Вольга Лемяшэвіч, Даніла Прыстром, Ганна Базарава.

А ў 1929 годзе ў вёсцы з’явілася камуна. Затым яна была рэарганізавана ў калгас «Новы свет». Першымі калгаснікамі былі Алена Маліноўская, Трафім Барадаўка, Архіп Кудзін, Васіль Зелянкевіч, Яўсенцій Лягуш, Лук’ян Маліноўскі, Ганна Базарава, Павел Зелянкевіч, Дзяніс Прыстром. Першы старшыня калгаса – Яўсенцій Лягуш.

У калгас прыбыў колавы трактар. Першым трактарыстам у вёсцы быў Аляксей Фёдаравіч Процька. У музеі нават фотаздымкі знайшліся. Палюбуйцеся, як выглядалі першыя трактар і грузавік драчкаўскай гаспадаркі.